وەگەرد ساڵیاد کەفتنی وەدەس داعش.. دڕیان وینەی مالکی لەناو مووسڵ
لایەن و هیزەیلیگ سیاسی عراقی، توومەتبار نوری مالکی کەن ک ئەو مەوقە سەرۆک وەزیرەیل بوی، توومەتی وە کەفتن شار مووسڵ کەن، ئیجا ئەو پارێزگایل سوننە نیشین وەدەس ریخریاگ داعش.
پەیامنێر ئاژانس شەفەق نیوز وت: وینەگە لە دەروازەی پیەڵ چوارەم لەلای چەپ شار مووسڵ هەڵوەسیاوێد.
هەرلیوا، ئاشکرا نییە ئەگەر وینەگە وەدەس کەسیگ دڕیاگە یا وە رەوشەیل کەشوهەوا بویە.
لەلای خوەییش، مەعەد خالدی نویەنەر هاوپەیمان دەوڵەت یاسا ئەرا ئاژانس شەفەق نیوز وت: جاریگتر دووپات کەیمن ک وینەیل سەرۆک هاوپەیمان دەوڵەت یاسا هن نویسینگەی دەوڵەت یاسا لە نەینەوا نییە، و کاریگ وە بڵاوکردنیان نەیرێد.
وتیش: هویچ بزووتنەوە یا رەوتیگ یا گرروپیگ سەروە هاوپەیمان دەوڵەت یاسا لە پارێزگاگە نییە، و وەرجەیە سەرۆک هاوپەیمانەگە داوا لە پارێزگار نەینەوا کرد ئەو وینەیلە لاوەێد و هەر نویسینگەیگ ئویشێد لایەنگەر دەوڵەت یاساس بوەسێدەی.
