ویرانکردن ٤ حەشارگەی داعش و فڕۆکەیگ بیفڕۆکەوان لە کەرکوک

شەفەق نیوز/ مەفرەزیل هەواڵگری وەزارەت ناوخۆ، ئمڕوو یەکشەممە، توێنستن چوار حەشارگەی ریخریاگ داعش ویران بکەن، چشتەیل تەقەمەنی و فڕۆکەیگ بیفڕۆکەوان لەناویان بوی.

شانەی راگەیانن ئەمنی لە بەیاننامەیگ رەسیە ئاژانس شەفەق نیوز وت: زانیاریەیل ووردیگ هیشتن مەفرەزیل ئاژانس هەواڵگری وەهاوکاری فیرقەی پەنجەم پۆلیس فیدڕاڵی دەس بنەێدە بان چوار حەشارگەی تیرۆرستەیل و چشتەیل تەقەمەنی سەروە چەتەیل داعش لە دووڵ ئەبو خەناجر و ئاوای روزەم و دووڵ کەرحە غازان لە ناحیەی ریاز لە پارێزگای کەرکوک.

و دیاری کرد ک حەشارگەیل دەنگ سەربازی و قاجاخ و چشتەیل لۆجستی و فڕۆکەیگ بیفڕۆکەوان وەگەرد پەنج بومب دروسکریاگ و چوار مووشەک دژوە قەڵغان لەناویان بوی.