وەرگیری هویردەکاری خنکیان فرۆکەوانە عراقیەگە مەوقەی خول لە ئەمریکا خەێدە روی

شەفەق نیوز/ وەزارەت ورگیری عراق، ئمڕوو چوارشەممە، پرسە و سەرەخوەشی فرۆکەوان عراقی ک لە وڵاتە یەکگرتگەیل گیان لە دەسدا، هویردەکاریەیل رویداوەگە خەێدە روی ک بویە هوکار مردنی.

لە بەیانامیگ ک ئمڕوو دەریکرد و رەسییە ئاژانس شەفەق نیوز وت، " وە داخ و خەم فرەیگ خەوەر شەهیدبوین عەقید فرۆکەوان عەمار عاسی حەمدان زاهر رەسیەپیمان، ک لە وڵاتە یەکگرتگەیل کووچ دویایی کرد، دویای بەشداریکردنی لە خول " فەرماندەیی ئەرک ئاسمانی" لە ماوەی 2022/4/5 تا 2022/9/1 لە ولایەت باما بنکەی روکەر.

وتیش" لە چوارچمگ پرۆسەی خول خوەنینەگە گەشتییگ چەم ئەرا بەشداربویەیل خولەگە بوی  لەوەخت سەرکردایەتی بەلەم چەمەگە پەکی کەفتگە هاوسەنگی رویدایە و بەلەمەگە قەڵبەوبویە و بویە هوکار مردن عەقید فرۆکەوان، لەوەر تونی ئاو چەمەگە خنکیاگە، لە دویای ئۆپراسیۆنیگ مینەکردن تەرمەگەی پەیاکریا.