وەختەنەوی کەلەمەیگ بخەێد.. فڕۆکەیگ ئیرانی دویای باڵگردنی لە عراق گلەو خوەێد
شەفەق نیوز/ سەرچەوەیگ لە پارێزگای نەجەف، ئمڕوو پەنجشەممە، خەوەردا ک فڕۆکەیگ ئیرانی ئەرا فڕۆکەخانەی ناودەوڵەتی نەجەف گلەو خوارد، دویای چەن خولەکیگ لە باڵگردنی لەوەر ئەوە ک دەر جانتایل وەواز هیشتگە، و ئەو رویداوە نزیکبوی گیان دەیان لە کەسەیل ناوی لەدەس بەێد.
سەرچەوەگە ئەرا ئاژانس شەفەق نیوز وت: فڕۆکەیگ سەروە کۆمپانیای کڕەیل ئاسمانی ئیران مارکەی "ئەتا" لە ئەنجام هەڵەپەڵە لەوەر قەرەباڵغی لیست کاروانەیل ئاسمانی لە فرۆکەخانەگە، نزیکبوی بوودە هووکار رویداویگ دڵتەزن لە ئاسمان عراق و مردن زیاتر لە ١٥٠ زیارەتچی ئیرانی، لەوەر ئەوە ک دەر جانتایل فڕۆکەگە وەواز هیشتیە، ک لەهویرچگن ئی کارە فڕۆکەگە لە ئاسمان کەێدە دوو پارچە.
سەرچەوەگە وتیش: کاپتن فڕۆکەگە دویای ٢٠ خولەک لە باڵگردنی داوای گلەوخوارن زوییگ ئەرا فڕۆکەخانەی نەجەف کرد، ک سەختییگ پە باڵگردن لە ئاسمان وەخوەی دی.
