وە جیاوازی 18.5 ملیار دۆلار.. داوەزین لە فرووشەیل پەنجەرەی دراو لە عراق لە سەرەتای 2026ەو

شەفەق نیوز - بەغداد

داتایەیل بانک ناوەندی عراقی، داوەزینیگ دیار لە فرووشەیل پەنجەرەی فرووشتن و سەنین دراو بیگانە ماوەی هەشت مانگ یەکەم لە ساڵ 2026 نیشان دان، تا نزیکەی 35.27 ملیار دۆلار تومار بکەێد، لە وەرانوەر نزیکەی 53.83 ملیار دۆلار ئەرا خود ماوەگە لە ساڵ 2025.

وەپەی داتایەیل، کە ئاژانس شەفەق نیوز وەدۊای چگ، فرووشەیل بانک ناوەندی لە دراو بیگانە ماوەی مانگ ئاب/ ئۆگست 2026 رەسیە نزیکەی 3.697 ملیار دۆلار، کە بەشەو بۊ لە ناوەین 270 مەلیۆن دۆلار فرووشەیل کاش، و 3.427 ملیار دۆلار ئەرا پاڵپشتیکردن باڵانسەیل بانکەیل لە دەیشت پەنجەرەی فرووشتن دراو بیگانە.

 فرووشەیل لە تەموز/ یۆلیۆ 5.662 ملیار دۆلار تومار کردن، و لە حوزەیران 5.857 ملیار دۆلار، لە وەختیگ رەسیە 5.092 ملیار دۆلار لە ئایار، و 4.559 ملیار دۆلار لە نیسان، و 3.388 ملیار دۆلار لە ئازار، و 4.133 ملیار دۆلار لە شوبات، و 2.883 ملیار دۆلار لە کانەن دۊەم.

 لە وەرانوەر وەرد هەشت مانگ یەکەم لە 2025، فرووشەیل بانک ناوەندی وە نزیکەی 18.56 ملیار دۆلار داوەزیا، و وە رێژەی 34.5%.

 داتایەیل نیشان دەن کە فرووشەیل ساڵ 2025 وە تەواوی رەسیە 80.36 ملیار دۆلار، لە وەرانوەر 77.65 ملیار دۆلار لە 2024، لە وەختیگ فرووشەیل ساڵ 2023 رەسیە نزیکەی 56.10 ملیار دۆلار.