وە ئامادەبوین ترەمپ.. عراق وەگەرد یەکێتیەیل "فیفا" لە نیویۆرک بەشداری کەید
شەفەق نیوز - نیویۆرک
یەکێتی توپان عراق لەو کۆبوونەوە بەشداری کرد کە لە تاوەر ترەمپ لە شار نیویۆرک بەسیا، ک نوێنەرەیل یەکێتییەیل نیشتمانی لە گشت دەوڵەتەیل جەهان وەگەرد نوسینگەی جیوەجیکار یەکێتی ناودەوڵەتی توپان "فیفا" کوەوبوی، وە سەرۆکایەتی سەرۆک یەکێتی ناودەوڵەتی جیانی ئینفانتینۆ، و وە ئامادەبوین سەرۆک ئەمریکا دۆناڵد ترەمپ، و شمارەیگ لە ئاسارەیل و ئەفسانەیل توپان جەهانی.
نوێنەرایەتی یەکێتی توپان عراق لە کۆبوونەوەگە، جێگر یەکەم سەرۆک یەکێتی سەرمەد عەبدولئیلاه، و ڕاوێژکار سەرۆک یەکێتی ئەرا پەیوەندییەیل دەیشت
گەیس موهەنا کرد، یەیش لە ناو چالاکییەیل رووژەیل کوتایی لە کێبەرکێیەیل جام جەهان، کە وەرجە بازی کۆتایی ناوەین ئیسپانیا و ئەرجەنتین، و بازی دیاریکردن پلەیل سێیەم و چوارەم ناوەین ئنگلتەرا و فەرەنسا.
سەرۆک یەکێتی ناودەوڵەتی توپان، جیانی ئینفانتینۆ، لە ناو دیمانەگە دووپات لە گرنگی ئەو رۆلە کرد کە توپان لە گردەوکردن گەلەیل و وەهێزکردن نرخەیل یەکگرتن و ئاشتی ئەنجامی دەید، و دەسخوەشی لە سەرکەفتن پاڵەوانێتیگە، و هاوکاری ناودەوڵەتی کرد ک لە رێکخسن بەشداری داشت.
هەمیش جام جەهان جویر رویوداویگ ناودەوڵەتی وەسف کرد ک فەرهەنگەیل گردەو کردوێدەو و جەماوەرەیل لە گشت ناوچەیل جەهان یەکخەید.
ئینفانتینۆ دیاری کرد، سەرکەفتن ڕێکخسن و جەماوەری مۆندیالەگە نیشانەی هێز توپان و کاریگەری ناودەوڵەتییەگەی، و ڕێز و پێزانینی خوەی ئەرا یەکێتییەیل نیشتمانی و بازیکەرەیل و ئەفسانەیل نیشاندا کە لە بەهێزکردن پێگەی بازیەگە لە ئاست ناودەوڵەتی بەشداری کردن.
