هه‌واڵيگ خوه‌ش له نه‌جه‌فه‌و.. تويشبوين تازه وه كۆرۆنا نيه
2020-04-29T11:25:32+00:00
شه‌فه‌ق نيوز/ ده‌زگاى ته‌ندروستى نه‌جه‌ف، ئاشكراى ئه‌وه كرد هويچ حاڵه‌تيگ تويشبوين تازه وه ڤايرۆس كۆرۆنا تۆمار نه‌كرياگه له پاريزگاگه.
ده‌زگاى ته‌ندروستى له به‌ياننامه‌يگ ئه‌را شه‌فه‌ق نيوز وت: تاقيگايه‌يل ته‌ندروستى گشتى له نه‌جه‌ف پيرووز 94 حاڵه‌ت گومانليكرياى وشكانن ئه‌نجام دانه و 49 له‌ليان له‌چوارچيوه‌ى پلان ئامار هه‌ڕه‌مه‌كى بويه ك له‌لايه‌ن ده‌زگاگه‌وه ئه‌نجام ئه‌گرێد و 16يش له وشكاننه‌يل تر وه‌رگيريانه و ده‌ركه‌فتگه گشتيان سه‌ڵامه‌تن.
جى باسه، ده‌زگاى ناوبرياى باس له‌وه‌يش كرد هه‌ڵويست حاڵه‌ته‌يل تۆماركرياى وه‌رين له پاريزگاى نه‌جه‌ف پيرووز وه‌ى جووره‌سه: 303 حاڵه‌ت تويشبوين، 270 حاڵه‌ت خاسه‌وبوين، 6 حاڵه‌ت مردن.
