هەفت شار عراقی لەناو گەرمترین ناوچەیل جەهان لە ماوەی 24 ساعەت گوزەشتە
شەفەق نیوز– بەغدا
هەفت ناوچەی عراق، ئمڕوو دووشەممە، پلەی گەرمی برزیگ توومارکردن و خریانە نوو لیست ناوچەیل بەرزترین پلەیل گەرمی لەبان ئاست جەهان لەماوەی 24 ساعەت گوزەشتە، وەپای زانیاریەیل کە پێگەیگ ئەمریکی تایوەت بڵاویکردیە.
ویستگەی "بلاسیرفیل" لە کالیفۆرنیای ئەمریکا، خەوردانخشتەگە 15 شار و ناوچە لە سەرانسەر جەهان گرێدە خوەی کە دەریخەێد شار "عەمیدیە" لە ئیران ها لوتکەی لیستەگە وە پلەی گەرمی 49.5 پلە، لەدویای، "سەفی ئاباد دیزفول" لە ئیران تێد وە 49 پلە.
و شار عەمارە لە عراق وە پلەی سێیەم تێد وە گەرمی 48.9 پلە، لەدویای فرۆکەخانەی ناودەوڵەتی بەسرە چوارەمە وە هەمان پلە، شار ئەهواز لە ئیران وە 48.7 پلە پەنجەمە.
شار ئابادان لە ئیران شەمەشە وە 48.6 پلە، شار ئەلئەحسای سعودی هەفتمە وە پلەی گەرمی 48.4 پلە و کویچەی ئەلحوسێن لە بەسرە لە عراق هەشتەمە وە 48.2 پلەی سەدی.
فڕۆکەخانەی ناودەوڵەتی کوەیت وە پلەی گەرمی 48.2 پلەی سەدی توومارکرد و نۆهەمە، فاو لە عراق پلەی دەهەم گردیە وە 48.1 پلەی سەدی، عەلی ئەلغەربی لە عراق پلەی یانزەهەمە وە 47.7 پلە.
فرۆکەخانەی ناودەوڵەتی نەجەف دوانزەهەمە وە 47.6 پلە، "عين صالح" لە جەزائیر وە هەمان پلە لەدویای تێد، شار ناسڕیە لە عراق چواردەهەمە وە47.2 پلە، لیستەگە وە شار مەسجد سلێمان لە ئیران کۆتایی تێد وە 47.1 پلە.
