هیزەیل ئەمنی تەقە لە کەسەیلیگ کەن کە تەقەلای دڕانن بانگەشەیل هەڵوژاردن دانە
2023-12-06T07:38:16+00:00
شەفەق نیوز/ سەرچەوەیگ لە پۆلیس ناوخوەیی، ئمڕوو چوارشەممە، خەوەردا هیزەیل ئەمنی تەقە لە شمارەیگ کەس کردنە کە تەقەلای درانن بانگەشەیل هەڵوژاردن دانە لە خوەرهەڵات بەغدای پایتەخت لە ئەنجام دوانیان زەخمداربوینە.
سەرچەوەگە وە ئاژانس شەفەق نیوز وت، هێزەیل ئەمنی ئسفاکردن سێ کەس تەقەلای دڕانن لەزگەی بانگەشەیل هەڵوژاردن دەن لەناوچەی شەعبانیە لە خوەرهەڵات بەغدا.
وتیش، خاڵ وشکنینەگە لە شوین رویداوەگە نزیکە و تەقە لەلیان کردیە بویەسە مدوو زەخمداری دوو کەسیان وکە یەکیگیان فەرمانبەرە لە ،ەزارەت نەفت.
سەرچەوەگە وتیش، هیزەیل ئەمنی توەنستنە سێیەم کەس دەسگیربکەن، دیاریکرد زەخمدارەیلە سکاڵا دژ کارمەندەیل خاڵ کۆنترۆلەگە توومارکردنە.
