هێزەیل عراقی دەسگرن وەبان 90 کیلوگرام حەشیش و سێ بیانی دەسگیرکەن (ڤیدیۆ)
شەفەق نیوز - بەغداد
وەڕێوەبەرایەتی گشتی کاروبار مادە هووشبەرەیل لە وەزارەت ناوخۆ، ئمڕوو چوارشەممە، راگەیان تەقەلاێ قاچاغکردن 90 کیلوگرام لە مادەی هووشبەر حەشیشە لە ئاوەیل هەرێمی عراق پویچەوکریا، وەگەرد دەسوەسەرکردن سێ توومەتبار بیانی.
وەڕێوەبەرایەتیەگە لە بەیاننامەیگ کە ئەرا ئاژانس شەفەق نیوز رەسی راگەیان، وت لە دەریا وە هاوبەشی وەگەرد فەرماندەیی هێز دەریاگەردی و وەڕێوەبەرایەتی هەواڵگری سەربازی، و وە بەشداریکردن مەفرەزەیل لێکۆڵینەوەیل تایبەت و کردەوەیل هەواڵگری و بەش تەکنیکەیل سەر وە وەڕێوەبەرایەتی گشتی کاروباری مادە هووشبەرەیل ئەنجام دریاگە.
وتیش، ئۆپراسیۆنەگە لەبان زانیارییگ هەواڵگری دەس وەپیکرد کە لە یەکیگ لە وڵاتەیل هاوساوە رەسیبو، کە خریارە وەر شیەوکردن و دۊزەوکردن وەرجە ئەوەگ، دویای رووژیگ تەواو لە چەودێری و شوونکەفتن، رەسیە دیاریکردن جۊڵەی بەلەم توومەتبارەیل و شوونکەفتن رێڕەویان و دەسوەسەرکردنیان.
دیاریکرد، دەسگیریا وەبان 90 کیلوگرام لە مادەی هووشبەر حەشیش و سێ توومەتبار بیانی دەسوەسەرکریان، لە وەختیگ تەقەلاێەیل هەواڵگری و مەیدانی وەردەوامن ئەرا گەردین وەدویای توومەتبار چوارەم ک هەڵهاتگە ئەرا دەسوەسەرکردن و پێشکەشکردنی وە دادپەروەری.
