هیزگردن ئاگر گەپیگ لەناو کۆمپانیایگ چینی لە ناسریە
2024-02-24T10:28:36+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو شەممە، خەوەردا لە هیزگردن ئاگر گەپیگ لەناو بارەگای یەکیگ لە کۆمپانیای چینی لەناوڕاس شار ناسریە، باشوور عراق.
سەرچەوەگە ئەرا ئاژانس شەفەق نیوز وت: ئاگر گەورەیگ لەناو ٤ کەرەڤان سەروە کۆمپانیایگ چینی هیز گرد کە (پڕۆژەی مەکتەوەیل چینی) لە پارێزگاگە جیوەجی کەێد، وتیش: تا ئیسە هوکار ئاگرەگە نەزانیاس،و لێکۆڵینەوەی سەرەتایی دەسنشان شۆرتیگ کارەبایی لە ئەنجام وارانەگەی ئمڕوو لە پارێزگاگە کەن.
سەرچەوەگە دیاری کرد کە تیمەیل وەرگیری شارستانی رەسینە شوین رویداوەگە و توەنستن ئاگرەگە کپەو بکەن، وەبی توومارکردن زەخمداری بیجگە زەرەدەیل مادی.
