نوسینگەی سەدر رینمایل نوویگ وە چووڵکردن بینای پەرلەمان دەرکەێد

نوسینگەی سەدر رینمایل نوویگ وە چووڵکردن بینای پەرلەمان دەرکەێد
2022-08-02T15:00:28+00:00

شەفەق نیوز/ سەرچەوەیگ لە دەسەی سەرپەرشتیاری مانگگردن لایەنگرەیل رەوت سەدر لە پەرلەمان، ئمڕوو سێشەممە، خەوەردا لە دەرچگن رینمایلیگ تایبەت وە بەشداریکردن ژن لە مانگردنەگە، و نویسینگەی سەدر دیاری کرد ک کیشانەوەی مانگرەیل لە هۆڵ ئەنجومەن نوینەرەیل بوود نەگ لە بیناگە. 

سەرچەوەگە ئەرا ئاژانس شەفەق نیوز وت: ژنەیل توەنن خوەینشاندان بکەن یا بچنە وەرد خوەینشاندان لە دەروازەی پەرلەمان تەنیا لە ساعەتەیل رووژ، و ری ئەرایان نییە لەورا بخەفن یا تا وەخت دیریگ لە شەو بمینن، ئەرا مقەیەتیکردن سەڵامەتییان.   

لەلای خوەییش، ئیبراهیم جابری وەڕیەوبەر نویسینگەی سەدر لە بەغداد، وت: چووڵکردنەگە تەنیا هۆڵ ئەنجومەن نوینەرەیل گرێدەو، و بایەتە مانگرەیل هەر لەناو گشت شوینەیل بینای پەرلەمان بمینن و نەکیشنەو. 

سەرچەوەیگتر لە نویسینگەی سەدر ئەرا ناژانس شەفەق نیوز وت: ئەوەسا وەماوەی ساعەتەیل بانان رینمایلیگ لەلایەن محەممەد ساڵح عراقی وەزیر سەدر دەرچوود، ئەو شوینەیلە دیاری کەێد ک لەوەردەمیان مانگگردن ئەنجام دریەێد، و هیمان ئەو شوینەیلە دیاری نەکریانە، باوجی هەر هانە ناوچەی خەزرا.   

وتیش: مانگردنەگە وازە و وەردەوامە، وهویچ نشانەیگ ئەرا کۆتایی یا کیشانەوە لە ناوچەی خەزرا نییە، و چووڵکردن بینای پەرلەمان ئەرا مقەیەتیکردن دارایی گشتی هاتیە، وئیسە مانگردن کەفێدە دەیشت بینای ئەنجومەن نوینەرەیل.  

وەرجەیە، ساڵح محمد عراقی وەزیر سەدر لەبان تویتەر نویسان ئەرا مانگگرەیل نویسان: چووڵکردن بینای ئەنجومەن نوینەرەیل، و مانگردنەگە کەفێدە وەردەم و دەور پەرلەمان، وە ماوەیگ ئەوپەڕی ٧٢ ساعەت.   

Shafaq Live
Shafaq Live