نویسینگەی سیستانی هویردەکاری دیدار وەرپرسیگ نەتەوەیی راگەینێد
شەفەق نیوز/ نوسینگەی مەرجع ئاینی باڵای شیعە ئایەتولڵا عەلی سیستانی، راگەیان ک سیستانی، وەرجە نیمەڕو ئمڕوو ، پیشوازی لە میگیل مۆراتینوس جینشین ئەمیندار گشتی نەتەوە یەکگرتگەیل کرد ک ئەرکدارە وە داناین پلان کار ریخریاگ ناودەوڵوتی ئەرا مقەیتیکردن شوینەیل ئاینی، دویای ئەو پەلامارەیلە ک لە شیونەیل جیاجیای جەهان لەی ساڵەیل دویاییە کەفتە بانیان.
نویسینگەگە لە بەیاننامەیگ وت: سیستانی گووش لە باسکردن ئەو پلانە گرد و ئەو بنەمایانە و ریکارەیلە ک لەی باوەتە کریەن.
بەیاننامەگە وتیش: مەرجع ئاینی لە دیدارەگە دووپات لە گرنگی گردەوبیون رەنجیل کرد ئەراک باوکردن کەلتور وەیەکەوژیان ئاشتەوایی و نەفرتکردن لە تونەڕەوی و خوسە، و چەسپانن بنەمایل خوەشەویستی ک لەبان چەودیارکردن مافەیل و ریزگردن وەرانوەری ناوبەین گشت ئاینەیل و لایەنەیل هویرکردن دروس کریەێد.
سیستانی وتیش: ئەو زیانەیلە ک گەل و بنچینەیل و کۆمەڵگایل لە شیونەیل فرەیگ لە جەهان وەخوەیان دوینن، لە ئەنجام ئەو رەفتارەیل ستەم هویر و باوەڕ و کوشتن و بڕین ئازادیەیل سەرەکی و نەمان داد کۆمەڵایەتی وە سەریان تیەێد، رۆلیگ لە دەرهاتن بەشیگ لە بزووتنەوەیل تونەڕەو دیرن ک تونوتیژی کوور لەبان مەدەنیەیل بی چەک جیوەجی کەن، و پەلامار ناوەندەیل ئاینی و شونەیل ئاسەواری ئەرا ئەوانەگ لە هویر و باوەڕ جویر خوەیان نیین.
مەرجع ئاینی دووپات لە گرنگی چارەکردن پشتینەی ئی سیمایل رەتکریاگ و نەفرەتکریاگە کرد، و کارکردن لەبان وەدەسهاوردن بڕیگ لە دادپەروەری و دێنیایی لە جویراجویر کۆمەڵگایل تا شایستەی سەروەری ئنسان بوود، وەو جویرەگ خودا خوازێد، ک ئەوە دەسمیەتی لە کەمەوکردن کەشوھەوای کونجیاگ ئەرا بڵاوبوین هویرەیل تونەڕەوی.
سیستانی ریز خوەی ئەرا تەقەلایل نەتەوە یەکگرتگەیل لەی باوەتە نشان دا، و ئومید سەرکەفت ئەرا مۆراتینوس لە جیوەجیکردن ئەرکی خوازێد، و سڵاو وە دەسی ئەرا ئەنتونیۆ گورتیریش ئەمیندار گشتی نەتەوە یەکگرتگەیل کلکرد.
لەلای خوەییش شاند «یۆنامی» لە عراق، لە بەیاننامەیگ وت: مۆراتینوس ئەرا سیستانی باس پلان نەتەوە یەکگرتگەیل ئەرا مقەیتیکردن شوینەیل ئاینی کرد، لە: یکیەتی و هاوکاری ئەرا پەرەسییگ بیوەی و ساق، ک لە ساڵ 2019 لە پشت پەلامارەیل بان کلیسە لە نیوزلاند دانریا، و لە عراقیش پەرستگا و پیرووزەیل زیان گەورەیگ وەپیان رەسێد.
بەیاننامەگە وتیش: پلان کارەگە بانگەوازیگ جەهانیە ئەرا باوکردن ئاسانترین بنەمایل مرۆیی و دروود و وەخشین، ئەرا مسۆگەرکردن ئەوە ک مەردم باوەڕ خوەیان بکەن، و چەودیاری نمازیان وە بیوەی بوود، و ئەرا رەسین وەی ئەنجامە، بایەتە شوینەیل ئاینی و شوینەیل پەرستگاری پەنای ئارام راسییگ بوون.
وەرجەیە، ئمڕوو چوارشەممە، جینین بلاسخارت خانمە نوینەر ئەمیندار گشتی نەتەوە یەکگرتگەیل وەیاوەری میگیل مۆراتینوس جینشین ئەمیندار گشتی نەتەوە یەکگرتگەیل، رەسینە شار نەجەف ئەرا دیدار عەلی سیستانی مەرجع ئاینی باڵا.
