نه‌ينه‌وا: له كووتايى ئمساڵ دو پيه‌ڵ واز ئه‌كريه‌ێد
شه‌فه‌ق نيوز/ مه‌نسور ئه‌لمرعێد پاريزگاى نه‌ينه‌وا جه‌خت له‌وه كرد پاريزگاگه جددييه له لاوردن ئه‌و پيه‌ڵه‌يله ك وه‌شيوه‌يگ وه‌ختى دانريانه له‌بان ده‌رياچه‌ى دجله له شار موسڵ دوياى ته‌واوبوين له ئاماده‌كردن پيه‌ڵه‌يل هه‌ميشه‌يى.
ئه‌لمرعێد له به‌ياننامه‌يگ وت: پلانه‌يل خاسه‌وكردن پيه‌ڵه‌يل زه‌ره‌دمه‌ن له شاره‌گه‌و له‌وانه‌يش پيه‌ڵه‌يل دويه‌م سێيه‌م وه‌گووره‌ى ئه‌و ريككه‌فتنه ئه‌نجام ئه‌گريد ك وه‌ل كرمپانيايه‌يل جيوه‌جيكار ئه‌نجام درياگه‌و له كووتايى ئمساڵ واز ئه‌كريه‌ن.
جى باسه، پاريزگاى نه‌ينه‌وا هه‌ميش وت: دوسيه‌ى خاسه‌وكردن پيه‌ڵه‌يل له قۆناغ ئاينده دائه‌خريه‌ێد له‌وه‌ر ئاماده‌كارى ئه‌را ده‌سوه‌پيكردن پرووژه‌يل تر خزمه‌تگوزارى له چه‌ن شاريگ له شاره‌يل پاريزگاگه‌و له‌وانه‌يش شار موسڵ ك هه‌وڵ زياتر ئه‌خوازێد ئه‌را جيوه‌جيكردن پرووژه‌يل له‌تى.
