نشانەیل سەردی و واران.. کەشناسی عراق کەشوهەوای رووژەیل بانان ئاشکرا کەێد
2023-01-22T15:50:36+00:00
شەفەق نیوز/ دەسەی کەشناسی عراق، ئمڕوو یەکشەممە، وارین رفتیگ یا شەپوول سەردی سەختیگ لەی رووژویل بانانە لە گشت وڵاتەگە وەدویر زانست.
وەڕیەوبەر راگەیانن کەشناسی، عامر جابری، ئەرا ئاژانس شەفەق نیوز وت: تا ئی مەوقە هویچ نشانەیگ ئەرا واران رفتیگ یا شەپوول سەردی سەختیگ لەی رووژەیل بانانە نییە، و لە راپۆرت کەشناسی ئمڕوویش باس ئەوە نەکردیە.
جابری دیاری کرد ک ئەگەر وارانیگ هەس، خو فرەگەی لە ناوچەیل باکوور وە ئاست سرووشتی خوەیە، وەلێ تا ئیسە هویچ نشانەیگ ئەرا ئەوە نییە، و ئەگەر بوود بەش مەزەنەکردن کەشوهەوا راپۆرتیگ وەپی دەرکەێد.
دیاری کرد ک کەشوهەوای دوو رووژ ئایندە لە وڵاتەگە هەر وەنیمچە ئەوری مینێد، وەگەرد تەمیگ، لە شەوەکیان زوی، و کەمکەم پاکەو بوود، وەگەرد کەمیگ داوەزین لە پلەی گەرمی.
