نشانەیل تاوسان وەگەرد دەرفەت واران.. کەشوهەوای عراق لەی چوار رووژ بانانە

شەفەق نيوز/ دەسەی کەشناسی عراق، ئمڕوو شەممە، مەزەنەی واران وارڤین و بەرزەوبوین پلەی گەرمی کرد لەماوەی ئی چوار رووژ بانانە.

دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو یەکشەممە، لە ناوچەیل ناوڕاس و باکوور نیمچە ئەورە، و لە ناوچەی باشوور رووشنە وەگەرد لەکە ئەوریگ، و پلەی گەرمی لە گشت ناوچەیل وڵاتەگە بەرزەو بوود.

وتیش: رووژ دووشەممە، لە ناوچەی ناوڕاس و باکوور نیمچە ئەورە، وەگەرد دەرفەت نمە وارانیگ، و بە ناوچەی باشوور رووشنە، وەگەرد خوەڵوتووز سووکیگ، و پلەی گەرمی لە ناوچەی ناوڕاس و باشوور کەمیگ بەرزەو بوود، و لە ناوچەی باکوور نزیک رووژ وەرجە خوەیە.

دیاری کرد کە رووژ سێشەممە، لە گشت ناوچەیل وڵاتەگە نیمچە ئەورە، و پلەی گەرمی کەمیگ بەرزەو بوود.

دەسەگە وتیش: کەشوهەوای وڵاتەگە ئەرا رووژ چوارشەممەی ئایندە لە گشت ناوچەیل وڵاتەگە نیمچە ئەورە، و پلەی گەرمی کەمیگ بەرزەو بوود.

هەمیش وت: پلەی گەرمی مەزن ئەرا سوو یەکشەممە، لە بەغدا و دیالە و سەڵاحەدین و واست رەسێدە 33 پلە، هەولێر 29، دهۆک 27، سلێمانی 26، نەینەوا 31، کەربەلا و بەسڕە 35.