نزیک بوی بانک رافیدین بسزنێد....هیزگردن ئاگر گەپیگ لەناو دوکانیگ بازرگانی لەباشوور عراق
2023-08-28T06:55:40+00:00
شەفەق نیوز/ سەرچەوەیگ ناوخوەیی لە زیقار باشوور عراق، ئمڕوو دووشەممە، خەوەردا لە هیزگردن ئاگر گەپیگ لە قەزای سوق شیوخ لە باشوور پارێزگاگە.
سەرچەوەگە وە ئاژانس شەفەق نیوز خەوەردا، " ئاگر گەپیگ لەناو دوکانیگ بازرگانی هیزگردیە، نزیک بوی بانک رافیدین لە قەزای سوق شیوخ باشوور پارێزگای زیقار بسزنێد"، وتیش " تیمەیل وەرگیری شارستانی ناوچەی 5 و وەرد قەزاو ناحیەیل ناوەن پارێزگاگە رەسینەس ئەرا کپەوکردن ئاگرەگە کە لە ساعەت یەک نیمەڕوو هیزگردوێد و تا شەش شەوەکی وەردەوام بوی".
سەرچەوەگە وتیش، " زەردەیل مادی رەسیە دەیان ملیۆن دینار، باوجی تا ئیسە هوکار ئاگرەگە نەزانریاگە".
