کۆڕۆنای عراق. پرسەیگ بوودە هووکار قەیەغەی گشتگیر و بەسانن کۆمەڵگەی نیشتەجییگ

کۆڕۆنای عراق.  پرسەیگ بوودە هووکار قەیەغەی گشتگیر و بەسانن کۆمەڵگەی نیشتەجییگ
2020-10-21T12:33:47+00:00
شەفەق نیوز/ ئیدارەی ناحیە سنونی سەروە قەزای شەنگال، ئمڕوو چوارشەممە، راگەیان چەسپانن قەیەغەی هاتوچگن گشتگیر لە کومەڵگەی نیشتەجییگ لە خوەرهەڵات ناحیەکە لەوەر زیایبوین ژمارەی تووشهاتەگان وە ڤایرۆس کۆڕۆنا.
خودیدا جوقی وەڕێۆبەر ناحیەگە ئەرا ئاژانس شەفەق نیوز وت: زیاتر لە پەنجا تووشهاتن وە ڤایڕۆس کۆڕۆنا لە کۆمەڵگەی کۆهبل تۆمار کریا و هەمیشە مردن هەیشت کەس لە ماوەی ١٥ رووژ..و ئاماژە کرد ک ژمارەیگ لە خەڵک کۆهبل لە ئامادەبووین پرسەیگ لە کومەڵگەی خانکی تووش ڤایڕۆسەگە هاتن، و دیاریکرد ک تووشهاتگەگان لەدویای هاتنەوەیان لە پرسەگە پەتاگە ئەرا ناو کۆهبل هاوردن.
جوقی دووپاتکرد ک قەیەغەی هاتوچگنەگە و بەسانن ریەگان وەرەو کۆهبل تا ١٠ رووژ وەردەوام بوود.
Shafaq Live
Shafaq Live