کۆڕۆنای عراق.. ١٨١٥ تووشهاتن نوو وەرانەوەر ٢١٥٨ خاسەوبوین

شەفەق نیوز/ وەزارت تەندروسی وژینگەی عراق، ئمڕوو دووشەممە، راگەیان تۆمارکردن ١٨١٥ تووشهاتن نوو وە ڤایڕۆس کۆڕۆنا، و ئاماژە کرد لە تۆمارکردن ٢١٥٨ خاسەوبوین، و ٢٨ مردن وە بیماریەگە لە دویاترین ٢٤ ساعەت.

وەزارەتەگە وەگورەی هەڵوێست رووژانەی پەتاگە دیاریکرد ک ژمارەی گشت خاسەوبویەگان رەسیە ٤٩٥٧٢٥، و ژمارەی گشت تووشهاتنەگان رەسیە ٥٦٦٠١٥، و ژمارەی تووشهاتنەگان لە چارەسەری ٥٧٨٣٠، و ژمارەی تووشهاتنەگان لە ژیر چەودیری وورد ٢٢٦، و گشت مردنەگان بویە ١٢٤٦٠، لەوەخت بڵاوبوین پەتاگە لە وڵاتەگە.