نەوین ژیرخان و خزمەتگوزاری… مەرز مەنەلی ئەرا زیارەتکارەیل ئیران ئامادە نەکریاگە

 مازن ئەکرەم وەڕیەوبەر ناحیەی قەزانیە لە خوەرهەڵات دیالە، ک ماوەی ساڵیگ وە جینشینی لەو پۆستە کارکەێد وە ئاژانس شەفەق نیوز  وت، لایەنەیل پەیوەنیدار هویچ رانەگەیاننە ئەرا وازکردن دەروازەگە وە روی زیارەتکەرەیل ئیرانی ک ئەرا زیارەت چلە روی کەنە شار کەربەلا، وەپی چێد کاروان پاڵپشتی لۆجستیکی و کاروانەیل پێداویستیەل تر لەی بارهەڵگرەو سنووردار بوود  جویر ئەوەگ لە ساڵ گوزەشتە رویدا.

وتیش دەروازەگە هیمان خزمەتگوزار و ژیرخان گونجیاگ نەێرێد ک یەکیگە شارەیل میوانداری ک دەسەی حوسەێنی رەزامەنی لەبان دروسکردنی دا باوجی تا ئیسە هویچ گامیگ لەلی جیوەجی نەکردیە.