نەینەوا.. گیانلەدەسداین وە کارەباگردن و زەخمدارییەیل لە رۊداو هاتوچو
شەفەق نیوز- نەینەوا
سەرچەوەیگ ئەمنی لە پارێزگای نەینەوا، ئمڕوو دووشەممە، خەوەردا لە تومارکردن کوشیان و زەخمداربۊن سێ کەس وە مدوو دوو رۊداو جیاجیا کە لە پارێزگای نەینەوا رۊی دان.
سەرچەوەگە ئەرا ئاژانس شەفەق نیوز وت، کە رۊداو یەکەم وە گیانلەدەسداین پیاویگ وە مدوو تویشهاتنی ئەرا کارەباگردن لەناکاو لەناو ماڵەگەی توومار کریا کە کەفێدە گەڕەک تەحریر لە دیم چەپ خوەرەڵات موسڵ، کە تەرمەگەی ئەرا فەرمانگەی پزیشکی دادوەری بریا ئەرا تەواوکردن رێکارە یاساییەیل.
سەرچەوەگە هەمیش وت کە رۊداو دۊەم وە مدوو پلیان ماشینیگ مەدەنی لەبان رییگ لە نزیک ئاوایی شەبالی سەروە ناحیەی قەیارە لە باشوور موسڵ رۊ دا، ئەوەگ بۊە مدوو زەخمداربۊن سێ کەس وە زەخمەیل جیاجیا.
دووپات کرد کە مەفرەزەیل فریاکەفتن پەلە کردن وەرەو شوین رۊداوەگە و زەخمدارەیل وە پەلە ئەرا خەسەخانە رەسانن تا چارەسەری وەرگرن، لە وەختیگ دەسەڵاتە ئەمنییەیل لێکۆڵینەوە واز کردن ئەرا زانستن چۊنیەتییەیل هەردوگ رۊداوەگە.
