نەجەف و بەسرە.. کابرایگ خوەشک خوەی کوشێد و دەسگیرکردن بازرگانیگ هوشبەری
شەفەق نیوز/ سەرچەوەیگ ئەمنی لە نەجەف، ئمڕوو سێشەممە، خەوەردا هاوڵاتیگ خوەشکەگەی کوشتیە لەبارودۆخ نادیاریگ لە باکوور پارێزگاگە.
سەرچەوەگە وە ئاژانس شەفەق نیوز وت" گەنجیگ 22 ساڵان خوەشکە 18 ساڵانەگەی وە گولە کوشتیە لەناو ماڵەگەیان لە ناحیەی حەیدەریە باکوور پارێزگای نەجەف.
سەرچەوەگە وتیش، " هوکار و پاڵنەرەیل رویداوەگە تا ئیسە نادیارە، و هیزەیل ئەمنی تەرمەگە ئرا پزیشک دادوەری کلکردنە، و توانبارەگەیش دەسگیرکریاس".
هەمیش وت، هیزەیل ئەمنی لە پارێزگای بەسرە لە باشوور عراق توەنستنە بازرگانیگ مادەی هوشبەر دەسگیر بکەن هەنای تەقەلای پەلامارداینیان دایە وە نارنجە لەوەخت دەسگیرکردنەگەی.
سەرچەوەیگ لە پۆلیس ناوخوەیی وە ئاژانسەگەمان خەوەردا، هیزەیل ئەمنی توەنستنە بازرگان هووشبەرەگە دەسگیربکەن لە دویای زەخمدارکردنی هەنای زیاتر لە ساعەت و نیمیگ رەد کەێد خوەی بەێد وە دەس لە ناوچەی تویسە ناوەن پارێزگای بەسرە.
وتیش، باو گ تاوانبارەگە تەقەلا دایە رازیی بکەێد تا خوەی بەێد وە دەس باوجی رەدی کردیە.
