نەجەف.. پیاویگ ژن خوەی کوشێد وپەیاکردن تەرم گەنجیگ
شەفەق نیوز/ سەرچەوەیگ ئەمنی لە نەجەف، ئمڕوو پەنجشەممە، خەوەردا لە کوشیان ژنیگ وە گولەی شۊیەگەی، و هەمیش دەزگا ئەمنیەیلە تەم گەنجیگ لە باکوور پارێزگاگە پەیا کردن وەرجە چەن رووژیگ بیسەروشۊنە.
سەرچەوەگە ئەرا ئاژانس شەفەق نیوز وت: گەنجیگ لەتەمەن ٢٧ ساڵان ژن ٢٣ ساڵان خوەی وەگولە کوشت، و هەمیش زەخمدار دۊیەت خوەی کرد، ئەوەیش لەناو ماڵ باوان ژنەگە لە گەڕەک میسان لە قەزای کوفە.
و دیاری کرد ک رووداوەگە لەوەر ناکوکیەیلیگ خیزانی لەناو ژن و شۊیەگە بۊیە، وتیش: تاوانکارەگە یەکەم جار وای، باوجی دەوریەی پۆلیس تۊینست دەسگیری بکەێد. لەلاییگ تر، هێزیگ ئەمنی تەرم گەنجیگ پەیا کرد ک وەرجە ١٤ رووژ گوما بۊیە.
سەرچەوەگە ئەرا ئاژانس شەفەق نیوز وت: هێزیگ ئەمنی تەرم گەنجیگ لە ناحیەی حەیدەریە لەبان ریەگە پەیا کرد، ک وەرجە ١٤ رووژ گوما بۊیە، وشۊن چەقو لەنپشتی دریاگە، و تەرمەگەی وە پەل دار پووشیاگە.
