مه‌رجه‌عيگ ئايينى وه‌كارهاوردن غاز ئه‌سرڕشن وه‌رانوه‌ر خوه‌ينيشانده‌ره‌يل حه‌رام كرد
شه‌فه‌ق نيوز/ قاسم تائى مه‌رجه‌ع ئايينى، فه‌تواى حه‌رامكردن وه‌كارهاوردن چه‌ك قه‌يه‌غه‌كرياێ كرد له‌وانه‌يش غاز ئه‌سرڕشن ك ئه‌دێده هووكار كوشتن خوه‌ينيشانده‌ر يا ئفليجكردن مه‌ژگى.
تائى له فه‌توا شه‌رعيه‌گه‌ى ك له‌لايه‌ن نويسينگه ره‌ساننه‌گه‌يه‌و بڵاو كريا وت: مه‌سه‌له‌گه شه‌فاعه‌ت وه هويچ كه‌سيگ ناڕه‌سنێد له وه‌رپرسيارێتى چ عه‌ره‌ب يا كورد يا موسڵمان يا مه‌سيحى عراقى يا كه‌سه‌يل تر سنى يا شيعه له هه‌ر سفه‌تيگ، ئه‌و كه‌سه كرده‌وه‌گه ئه‌نجام ئه‌ياد بايه‌سه وه‌رگه‌ى گشت رينمايه‌يل شه‌رعى بگرێد له دونيا و ئاخره‌ت و وه‌رگه‌ى ده‌رئه‌نجامه‌يل عه‌شايرييش بگرێد.
جى باسه، تائى داوايش كرد هويچ مامڵه‌يگ وه‌ل ئه‌و كه‌سه‌يله‌و نه‌كريه‌ێد ئه‌و مادده‌ى قه‌يه‌غه‌كرياگه وه‌كار ئه‌يه‌رێد و ده‌ربكريه‌ێد له هه‌ر دانيشتنيگ ك ناويشى وه خراوه‌كار و نه‌فره‌ت كرياێ دابنريه‌ێد.
