ئەمن عراق سەرکردەیگ داعش وە ئۆپەراسیۆنیگ تایوەت لە دیالە لەناو دەێد

ئەمن عراق سەرکردەیگ داعش وە ئۆپەراسیۆنیگ تایوەت لە دیالە لەناو دەێد
2026-11-22T12:32:50+00:00

شەفەق نيوز- دیالە 

دەزگای ئاسایش عراق، رووژ یەکشەممە، راگەیان وە کوشیان سەرکردەیگ دیار لە رێکخراو داعش کە وە "خەتاب جەزیرە" ناسریاگە، لە ماوەی پێکدادانیگ چەکداری وەرد هێزیگ ئەمنی لە پارێزگای دیالە، لە وەختیگ کەسەیل ترەک زەخمدار بۊن و تۊنستن دەرباز بوون.

دەزگاگە لە بەیاننامەیگ کە ئەرا ئاژانس شەفەق نیوز رەسیە دیاری کرد، کە وەدۊاچگن هەواڵگری بۊە هووکار چەودیاریکردن جۊلەیل سەرکردەگە لە پارێزگای دیالە، وەختێگ هێزیگ لە دەزگاگە ئۆپەراسیۆنیگ ئەمنی جیوەجی کرد کە پێکدادانیگ چەکداری وە دۊایا هات و وە کوشیان خوەی و زەخمداربۊن کەسەیل ترەک کە دەرباز بۊن کۆتایی هات.

ئاشکراش کرد کە کوشیایەگە چەن پۆستیگ لەناو رێکخراوەگە وەرگردگە، لە ناویان ئەوەگ وە "فەرماندەی مەفرەزەی وەقف" و "سەربازی گشتی کەرت عومەر فاروق" ناو بریەێد.

دەزگاگە ئاماژەیش دا وەرەو دەسداشتن سەرکردەگە لە پەلامارەیلیگ کە هێزە ئەمنییەیل و خاڵەیل حەشد شەعبی کردنەسە ئامانج، بیجگە لە کوشتن هاووڵاتییەیل هاوکار وەرد دەزگا ئەمنییەیل.

Shafaq Live
Shafaq Live