مقاومەی عراقی چەودیاری 171 پێشێلکاری ئاسمانی ئەمریکی کەێد و بەسیان دەروازەیل وەرد ئیران وە "فەرمانەیل دەیشتەکی" دانەێد
شەفەق نیوز - بەغداد
مقاومەی ئیسلامی لە عراق، ئمڕوو شەممە، راگەیان لە چەودیاریکردن 171 پێشێلکاری ئاسمانی توومارکریاگ، کە فڕۆکەیل جەنگی و سیخوڕی سەروە هێزەیل ئەمریکی جیوەجیکردنە لە ماوەی 30 ئەیلول / سێپتەمبەر تا 23ی ئۆکتۆبەر / تشرین یەکەم لە ساڵ ئیسە، لە وەختیگ دانایە کە بەسیان دەروازە سنوورییەیل لەلایەن حکومەت عراقییەو وەرد ئیران وەپەی "فەرمانەیل دەیشتەکی" بۊە.
مقاومە لە بەیاننامەیگ فەرمی وت، کە "وەردەوامبۊن دوژمن ئەمریکی لە پێشێلکردن سەروەری عراقی و خوەیدزین لە پابەندبۊنە راگەیانریاگەیلی وەرانوەر حکومەتەگە؛ وە پێشێلکارییگ ئاشکرا ئەرا رێککەفتنە واژووکریاگەیل و ئەو پابەندبۊنەیلە دانریەێد کە کەفنە بانی، و سەرپێچییگ رووشنە ئەرا ئەو ئەرکەیلە کە لەبان گشت لایەنەیل چەسپنێد، ئەوەگ حکومەتەگە خەێدە وەرانوەر پابەندبۊنیگ ئەخلاقی وە ئەرکی وەرد گەل عراقییمان لەباوەت راسی ئەوەگ روی دەێد".
بەیاننامەگە وتیش کە "بڕیارەیل بەسانن فڕۆکەخانە و دەروازە سنوورییەیل وەرد کۆمار ئیسلامی ئیران بڕیارەیلیگن گریەدریاگ وە ئیرادە و فەرمانەیل ئەمریکییەو، و قسەکردن لەباوەت تەواوکردن (سەروەری نیشتمانی) لە سای وەردەوامبۊن پێشێلکارییەیل و پێشێلکردن بڕیار نیشتمانی بۊسە دەسدریژییگ ئەرا بان کەرامەت رووڵەیل گەلەگەمان و ئیرادەی ئازادیان"، وە پرسیارکردن "ئمجا چۊن قسەکردن لەباوەت سەروەری وڵاتیگ راسەو بوود کە بڕیارەیلی لە دەیشتەو کوت و بەند کریەێد، و وە شیوەیگ کە هەژموون ئەمریکا جیگیر بکەێد و دەسەڵاتی وەهیزەو بکەێد لەبان بەرژەوەنی سەروەخۆیی بڕیار نیشتمانی؟".
مقاومە وەردەوامی دا وە قسەیلی وە وتنی کە "وسانن وەرد بەرەی حەق لە رویوەڕویبۊن هێزەیل جەنگ ئەرکیگە کە سروشت مرۆڤایەتی دروس چەسپنێدەی و ئەوەگ کۆمار ئیسلامی لە (دەسدریژی سەهیۆنی ئەمریکی) رویوەڕوی بوود دروس کەێد لە راسی جەنگ لە ناوەین هەردوگ ئۆردوگای حەق و باتڵ".
