مردن وزەخمداربوین ٥ مەدەنی وە رووداویگ هاتووچو لە خانەقین

مردن وزەخمداربوین ٥ مەدەنی وە رووداویگ هاتووچو لە خانەقین
2021-02-01T11:02:55+00:00

شەفەق نیوز/ سەرچەوەیگ خۆجێیی لە پارێزگای دیالە، ئمڕوو دووشەممە، خەوەردا لە مردن یەک مەدەنی و زەخمداربوین سێیان تر وە رووداویگ هاتووچو لە باکوور خوەرئاوای قەزای خانەقین.

سەرچەوەگە ئەرا ئاژانس شەفەق نیوز وت: رووداوەگە لەبان ری خانەقین- کەلار لە نزیک خاڵ باوە مەحمودی بوی، ک دوو ماشین مەدەنی (پیکاب ناڤاڕا) وەگەرد (فۆرد)یگ سەربازی لەیەک دان، ک بویە هووکار مردن شۆفێر ماشینە مەدەنیەگە و زەخمداربوین سێ کەس لە خەڵک خانەقین.

سەرچەوەگە دیاری کرد ک هێزە ئەمنیەگان و ماشینەیل فریاکەفتن رەسینە شوون رووداوەگە و تەرم قوربانیەگە وەرەو پزشک دادوەری بردن، و زەخمدارەگان ئەرا خەسەخانەی خانەقین.

Shafaq Live
Shafaq Live