مردن و زەخمداری چوار مەدەنی وە رویداو هاتوچو
2023-12-24T13:37:06+00:00
شەفەق نیوز/ سەرچەوەیگ ئەمنی لە کەرکوک، ئمڕوو یەکشەممە، خەوەردا لە مردن و زەخمداری چوار مەدەنی وە رویداو هاتوچو لەبان ری بەغدا - کەرکوک باشوور پارێزگاگە.
سەرچەوەگە وە ئاژانس شەفەق نیوز وت، پیاویگ گیان لەدەسدایە و سێ کەسیش زەخمدارە لە ئەنجام لەیەکەوداین دوو ماشین لەبان ری کەرکوک- بەغدا ناوەین قەزای داقووق کەرکوک.
وتیش، تەرم قوربانیەیلە ئەرا پزیشک دادوەری کلکریایە و زەخمدارەیليش ئەرا خەسانە، و دەسڵاتدارەیل ئەمنی لێکۆڵینەوە لە رویداوەگە وازکردنە.
