مردن و زەخمداری 11 کەس مامووسايش هاناویان وە رویداو هاتوچو لە باشوور عراق
2024-01-11T08:01:50+00:00
شەفەق نیوز/ سەرچەوەیگ ئەمنی لە موسەنا و دیوانیە و بەسڕە باشوور عراق خەوەردا، ئمڕوو پەنجشەممە، نزیکەی 11 کەس مردنە و زەخمدار بوینە کە پەنج مامووسا هاناویان وە رویداو هاتوچوی سەخت لە ناوچە جیاوازەیل ئەو پارێزگایەیلە.
سەرچەوەیگ لە موسەنا وە ئاژانس شەفەق نیوز وت، رویداویگ هاتوچوی سەختیگ ئمڕوو لەناوەین دوو ماشین لەبان ری گشتی ناوەین قەزای رمیسە و نوحمی لە باکوور خوەرئاوای شار سەماوە ناوەن پارێزگای موسەنا رویدایە" وتیش "رویداوەگە بویەیە مدوو مردن دوو مامووسا و زەخمداری سەختیگ 3 کەس".
سەرچەوەگە وتیش "هيزەیل ئەمنی و پزیشکیرەسینەس شوین رویداوەگە و تەرم قوربانیەگان ئەرا پزیشکدادوەری کلکردنە و زەخمدارەیلەش ئەرانزیکترین بنکەی تەندروسی".
لەدیوانيە باشوور عراقیش، رویداویگ هاتوچو لەبان رييگ بەسێدەو وە پارێزگای نەجەف بویە هووکار مردن سێ کەس.
لە باشوور عراق، رویداویگ هاتوچو لەناوبڕ خەسخانەی جمهوری لە پارێزگاگە، بویە هووکار زەخمداریبوین سێ کەس کە یەکیگیان بارودۆخیان سەختە.
