مردن وە تەمەنترین ژن جەهان لە باشوور عراق

شەفەق نیوز/ لە زیقار باشوور عراق، وە تەمەنترین کەس کە تتەمەنی نزیکەی 140 ساڵ بوی کووچ دویایی کرد لە یەکیگ لە قەزاگان خوەرهەڵات ناسڕیە ناوەن پارێزگاگە.

پەیامنێر ئاژانس شەفەق نیوز راگەیان، هاوڵاتیگ عراقی وەناو (مدلوە محەمەد) خەڵک قەزای ئیسڵاح لە خوەرهەڵات شار ناسڕیە، لەوەر ناجیگیر بار تەندروسی کووچ دویایی کرد، کە وە وەتەمەنترین کەس لە عراق دان، هاتێ لە جەهانیش بوود، وەپای بڕوانامەی مردن تەمەنی 138 ساڵە و لەداڵگبوی  (1/7/1885).

پەیامنێرمان وتیش، مەدلولە وەپای قسەی کەسوکاری سێ جار شوی کردیە کە گشتیان کووچ دویایی کردنە، خاوەن کوڕیگـ سەرباز بوی کە لەمەوقەی جەنگ هیزەیل ئەمنی لەماوەی چەن ساڵ گوزەشتە شەهید بوی، دیاریکرد وەپای قسەی کەسوکارەگەی دووپاتکردنە لەماوەی زندگیکردنی تویش لە هویرەوچگن نەویە، زندگی ئاسایی خوەی کردیە، باوجی وەی دویاییە تویش بیماری تەندروسی بوی و بویە هووکار مردنی.

ئاژانس شەفەق نیوز چاپیگ لە بەڵگەنامەی مردنی بڵاوکردیە کە وەلایەن وەزارەت تەندروسی عراق دەرچیە، بڕوار لەداڵگبوینی لەناوی نویسیایە.