مردن دووکەس وزەخمداری 6 کەس ترەک لەناویان دوو ژن هەس وە رویداو هاتوچو لە باشوور موسڵ
2026-09-28T15:05:23+00:00
شەفەق نیوز ـ نەینەوا
سەرچەوەیگ ناوخوەیی، ئمڕوو دووشەممە، خەوەر دا لە مردن دوو کەس و زەخمداربوین شەش کەس ترەک، کە دوو ژن لەناویان هەس، وە مدوو رویداو هاتووچویگ کە لە ناوەین دوو ماشین لە ناحیەی گەیارە لە باكوور موسڵ روی دا.
سەرچەوەگە ئەرا ئاژانس شەفەق نیوز وت: مەفرەزەیل فریاکەفتن و مەردم ناوچەگە زەخمدارەیل کلکردنە ئەرا خەستەحانەی گشتی گەیارە، کە لەورە دوو کەس وە مدوو سەختی زەخمەیلیان گیانیان لەدەسدان، لە وەختیگ کە شەش زەخمدارەگە چەودێری تەندروسی هەوەجەکریاگ وەرگرن.
وتیش؛ تەرم دوو مردگەگە ئەرا فەرمانگەی پزیشکی دادوەری کریان، لە وەختیگ کە مەفرەزەیل هاتووچوی لێکۆڵینەوەیگ لە شوین رویداوەگە واز کردن ئەرا زانین مدووەیل.
