ئەمریکا هەڵسەنگاندنیگ ئەرا کازمی راگەینێد: حەشد سەروە ئیران ریگری لە ئارامی عراق کەێد

ئەمریکا هەڵسەنگاندنیگ ئەرا کازمی راگەینێد: حەشد سەروە ئیران ریگری لە ئارامی عراق کەێد
2020-09-24T15:55:31+00:00
شەفەق نیوز/ دێڤید هیڵ، جینشین وەزارت دەرەوەی ئەمریکا، توومەتبار حەشد شەعبی سەروە ئیران کرد وە ریگردن لە نوای ئارامی عراق. هیڵ لە دانیشتن گووشتەکانن لە ئەنجومەن پیرەیل ئەرا چاکسازیەگان موستەفا کازمی سەرۆک وەزیران، وت: کازمی دەسکرده هاوردنەوەی سەروەی دەوڵەت عراق، وەگەرد تەقەلایل دژوە گەندەڵی و گیرهاوردن چەک بەرەڵا لەدەس میلیشیاگان. وەرپرسە ئەمریکیەگە وتیش: گەل عراق تەمای حکومڕانی دیموکراتی دیرێد، بەڵکم میلیشیاگان کارەیل کوشتن و توندڕەوی مەزهەبی ودزی سامانەیل دەوڵەتەگە جیوەجی کەن. دەربارەی هەسی سەربازی ئەمریکا لە عراق، جینشین وەزارت دەرەوەی ئەمریکا جەختکرد ک ئەرا نواگردن دەسەڵاتی ئیران، ولەناوبردن ریخریاگ داعش تیرۆرە. وتیش؛ عراق توانای کەمکردن لە وەکارهاوردن وزەی ئیران دیرێد لەماوەی ٦٠ رووژ، ودیاریکرد ک واشنتۆن عراق وەخشێد لە سزاگان بان ئیران تا ماوەی ٦٠ رووژ ئەرا داین شایستەیل کەهرەبا. وتیش؛ میلیشیاگان ک لە فرە لە وڵاتەیل خوەرهەڵات ناوڕاس ئیران پشتگیرییان، گەندەڵی و تیرۆر بڵاو کەن، نەگ تەنیا لەو دەوڵەتیلەگ هانە ناویان، بەڵکم لە گشت ناوچەگە. هیڵ وتیش؛ حزبولڵا لە لوبنان خاوەن گەندەڵیە، و بەرژەزەنیەیل گەلەگە کەێدە قوربانی ئەرا گردەوکردن چەک، وجیوەجیکردن چالاکیەگانی،وئیران ٧٠٠ مەلیۆن دۆلار داگەپی، وحەسەن نەسڕولڵای سەرکردەگەی و ئاشکرا داوای هاوکاری کرد ئەرا دەسمیەتی لە پەک کەفتن. هەمیش وت: ئیمە وەردەوامیمن لە هاندان هاوبەشە ناودەوڵەتیەلمان وهەرێمیمان ئەرا قەیەغەکردن حزبولڵا وداناینی جوور رێکخراویگ تیرۆر. وتیش: پشتگیری ئیدارەی ئەمریکی ئەرا سوپای لوبنان لە چوارچێوەی ستراتیژییە تیەێد لە نواگردن تیرۆر حزبولڵا. دەریای یەمەن، وەرپرسە ئەمریکیەگە وت: میلیشیاگان حووسی وەردەوامن لە هەڕەشەی ئاسایش وئارامی هەرێمی وە ئامانجکردن دامەزراوە مەدەنیەگان لە سعودیە. دێڤید هیڵ دووپاتکرد ک دەوڵەتەیل خەلیج هاوبەشیل گرنگن ئەرامان لە جەنگ دژوە تیرۆر و کەمکردن دەسەڵات ئیرانی.
Shafaq Live
Shafaq Live