میسان.. بەندکردن 8 فەرمانبەر ودەسگردن وەبان 120 مامەلەی زەوی ساختە(ڤیدیۆ)
شەفەق نیوز- میسان
دەسەی دەسپاکی فیدڕاڵی، ئمڕوو دووشەممە، دەسگردن وەبان120 مامەڵەی تایوەت وە پارچە زەوی ساختە لە وەڕێوەبەرایەتیەیل عەمارە و توومار خانوبەرە لە پارێزگای میسان راگەیان، و 8 فەرمانبەر دەسگیرکریا و فەرمان دەسوەسەرکردن ئەرا توومەتبارەیل ترەک دەرکریا.
دەسەگە لە بەیاننامەیگ رەسیە ئاژانس شەفەق نیوز وت، تیمیگ لێکۆڵینەوەو هویردەوبوین لە نویسینگەی میسان ئەرا وەڕێوەبەرایەتیەیل عەمارە و توومار خانوبەرە چگە و توەنست لەدویای کارەیل وشکنین و وەدویاچگا دەسگرد وەبان 120 مامەلە تایوەت وە پارچە زەوی ساختە کە وە توومەتبارەیل بویە.
ئاشکرایکد، مامەلەیل زەولەیل لەری مەزاید ئاشکرا فروشیانە وەپای مادەی (25) لە یاسای سەنین وفروشتن مولکوتیش؛ توومەتبارەیل مامەڵەیلیان پێشکەش کردنە کە هویچ شمارەی هاتگ وەڕێوەبەرایەتی توومارکردن خانووبەرەی پارێزگاگەیان نەویە، وە مەبەست وەرگردن وەخشین یا سوود.
وتیش؛ توومەتبارەیل لە ئەرکەیل کار جویر فەرمانبەر گشتی پێشێلکاری کردنە، لە وەختیگ دادوەر لێکۆڵینەوە تایبەتمەن بڕیار دەسوەسەرکردنیان دایە و فەرمان دەستگیرکردنیش ئەرا شمارەیگ توومەتبار ترەک دەرکردیە، بەپای سزایەیل مادەیل (298 و 307) لە یاسای سزادان.
