مەرەقەزکردن زیاتر لە نیم ملیۆن ماسی لەناو بەنداو حەدیسە ئەرا ئەوزەڵداین وە ئاسایش خوەراک
شەفەق نیوز ـ ئەنبار
وەڕێوەبەرایەتی کشاوەرزی ئەنبار، ئمڕوو پەنجشەممە، مەرەقەزکردن زیاتر لە نیم ملیۆن ماسی لە دەریاچەی بەنداو حەدیسە راگەیان، ئەوەیش لەناو هەڵمەتیگ وە ئامانج پشتگیریکردن لە بڕەیل ماسی و ئەوزەڵداین ئاسایش خوەراکی لە پارێزگاگە.
وەڕێوەبەرایەتیەگە لە بەیاننامەیگ رەسیە ئاژانس شەفەق نیوز راگەیان، هەڵمەتەگە وەلایەن بەش خزمەتگوزاریەیل سامانی ئاژەڵ وە هاوکاری وەرد بەش کشاوەرزی حەقلانیە و لیژنەی ناوەندی ئەرا ئازادکردن ماسی جیوەجی کریاگە.
دیاریکرد پرۆسەگە ئازادکردن جویرەیل فرەیگ لە ماسی لە دەریاچەگە گردەخوەی جویر کارب باو و کارب نوقرەیی و ماسی شەبووت و بونی عراقی، وە تەمەنەیل جیاجیا کە هەر لە تازەپەیابوی و پەنجە ماسیەیل پێک تێد، ک لە ماسیخانەی سوێرە سەر وە فەرمانگەی سامان ئاژەڵ بەرهەم هاتنە.
ئاشکرایکرد، ئەو گامە لەناو هەوڵەیل وەڕێوەبەرایەتی کشاوەرزی ئەنبار ئەرا ئەوزەڵداین وە سامان ماسی لە ئاوەیل گشتی یە، وەجویریگ ک بەشدار بوود لە پشتگیریکردن ئابووری ناوخوەیی و بەهیزکردن ئاسایش خوەراکی لە پارێزگاکە.
