له‌ليانيش له هه‌رێم كوردستان.. پلاندانان شماره‌ى ئه‌و خيزانه‌يله ئاشكرا كرد هاوكارى ئه‌كريه‌ن
2020-05-11T12:45:13+00:00
شه‌فه‌ق نيوز/ وه‌زاره‌ت پلاندانان عراقى، ئاشكراى ئه‌وه كرد 2 مليۆن و 400 هه‌زار خيزان ئه‌كه‌فنه وه‌ر وه‌رگرتن به‌خشينه‌ى حكومه‌ت ك زويتر له‌لايه‌ن ئه‌نجومه‌ن وه‌زيره‌يله‌و بڕيار دريا.
له‌ى باوه‌ته‌و، عه‌بدولزه‌هره هنداوى قسه‌كه‌ر وه‌ناو وه‌زاره‌ته‌گه ئه‌را ئاژانس شه‌فه‌ق نيوز وت: 2 مليۆن و 400 هه‌زار خيزان له‌ليانيش له هه‌رێم كوردستان ئه‌كه‌فنه وه‌ر به‌خشينه‌ى حكومه‌ت ك زويتر له‌لايه‌ن ئه‌نجومه‌ن وه‌زيره‌يله‌و بريار دريا.
هنداوى هه‌ميش وت: ئاماره‌يل تايبه‌ت وه‌و هاوكاريه كه‌فته‌سه لاى وه‌زاره‌ت كار و كاروبار كۆمه‌ڵايه‌تى و بانك ناوه‌ندى، ئاماژه وه‌يه‌يش كرد لايه‌نه‌يل په‌يوه‌نديدار ده‌س ئه‌كه‌نه ره‌وانه‌كردن نامه ئه‌را ئه‌و خيزانه‌يله ك شايسته‌ى وه‌رگرتن ئه‌و هاوكارييه‌نه.
