گلەوخواردن کوریگ ئەرا ژیان لە دویای وسیان دڵی لە ئەنبار
شەفەق نیوز/ وەزارەت تەندروسی عراق، ئمڕوو پەنجشەممە، راگەیان تیم فریاگوزاری خەسخانەی قائم لە ئەنبار توەنستنە ژیان کوڕیگ قوورتاربکەن لە دویای ئەوەگ دڵ و هەناسەی وسێد وە مدووی کاریگەریل هەناس تەنگی تونیگ.
لە بەیاننامیگ وە ئاژانس شەفەق نیوز رەسییە وت، هۆل فریاکەفت خەستەخانەی قائم پیشوازی لە بیماریگ 13 ساڵان کرد تویش هەناس تەنگی توونیگ وەگەرد ژانە سینگ و تێکچین زیندە چالاکیەیلی، وتیش، هەنای چوودە ناو هۆل فریاکەفت تویش داوەزین پەستان خوین فرەیگ و داوەزین ئاست ئۆکسجین خوین بوود ک وەی مدوویە هەناس و دڵی وسێد.
وەزارەتەگە وتیش،کارمەنەیل یەکەی فریاکەفتن وەردەوام بوین وە ریکارەیل زینگکردن دڵ و سویەگان وەگەرد فریاگوزاری سەرەتای ئەرا ماوەی زیاتر لە 20 خولەک وەگەرد وەکارهاوردن دەرمان شۆک و قورتارکەر و هەناس دەسکرد ژیانی قورتاربکەن، ئاشکەرایکد هویردەهویدە توەنستنە کۆنترۆل زیندە چالاکیەل بکەن و بیمارەگە هوشی هاتیەسەو ئەرا ژیان گلەوخواردیە بارودۆخی خاسە وهالەژیر کۆنترۆل و چەودێری.
