لە ئمشەو تا سێشەممە.. لە عراق واران و وەفرە
غالب عەتیە لە راپۆرتەیگ ئاژانس شەفەق نیوز نووڕیەی وت: پەڵەی کەشوهەوا لە شارەیل باکوور و خوەرئاوا و ناوڕاس وڵاتەگە لە دویەشەو دەسوەپی کردگە، و دیاری کرد ک ئمڕوو شەممە واران لە نەینەوا و ئەنبار و سەڵاحەدین و دهۆک و هەولێر و سلێمانی و کەرکوک و بەغدا و دیالە وارێد، وەگەرد دەرفەت واران رفتیگ لە ناوچەیل باکوور نەینەوا و هەولێر و باکوور ئەنبار، و نمە وارانیگ لە نەجەف و بیاوان کەربەلا.
وتیش: ئمشەو وەشیوەیگ وەختانە دەرفەت واران لە بەغداد و ئەنبار و بیاوان خوەرئاوا وسیەێدەو، و لەو ناوچەیل لە سوو یەکشەممە وەردەوامە، وەگەرد وەفروارین خەسیگ لە باکوور و خوەرهەڵات شارەیل هەولێر و سلێمانی و دهۆک.
رووژ دووشەممەی ئایندە، عەتیە ئویشێد: کاریگەری پەڵەگە رەسێدە فێەی شارەیل وڵاتەگ، و تا رووژ سێشەممە وەردەوامە، وتیش: دەرفەت واران رفتیگ وە شارەیل باشوور جویر بەسرە و زیقار هەس.
عەتیە مەزەنە کرد ک دویای نیمەڕو سێشەممە، لە گشت وڵاتەگە وسیەێدەو، دویای ئەوە ک لە شەوەکی لە باکوور وڵاتەگە تەواو بوود.
