لە ماوەی هەفتەیگ.. توومارکردن 11 زەویلەرزە لە عراق و دەورگردی

شەفەق نیوز - بەغداد

دەسەی گشتی کەشناسی و چەودیاریکردن زەویلەرزە، ئمڕوو سێشەممە، نەخشەی ئەو زەویلەرزەیلا ئاشکرا کرد کە لەناو وڵاتەگە و ناوچەیل نزیک توومار کریانە، ئەوەیش ئەرا ماوەی 7 تەموز/یۆلیۆ تا 14ی خود مانگ.

وەپای ئەو راپۆرتە کە لە بەش چەودیاریکردن زەویلەرزە سەر وە دەسەگە دەرچگە، و رەسیە ئاژانس شەفەق نیوز،  شمارەی گشتی زەویلەرزەیل لە ئی ماوە 11 زەویلەرزە بۊە، هازەیلی ناوەین 1.3 تا 2.9 پلە لە پەیمانەی رێختەر بۊە.