لەماوەی چەن ساعەتیگ...توومارکردن 3 خوەیکوشتن لە پارێزگایگ عراقی
2023-04-18T07:18:56+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو سێشەممە، خەوەردا لە پارێزگاگە سێ خوەیکوشتن توومارکریاگە، یەگیگیان سەرنەگردیە.
سەرچەوەگە وە ئاژانس شەفەق نیوز وت، " دویەتیگ 18 ساڵان وە لەچک بەسیایگ وە پاچینەی ماڵەگەیان خوەیکوشتیە لە قەزای شەترە باکور پارێزگاگە"، وتیش، " تا ئیسە لەلای دەزگای ئەمنی هووکار خویکوشتنەگەی دیار نییە.
وتیش، " دویەتەیگ 19 ساڵا خوەیکوشتیە لەری ئاگردان لەش خوەی وە نەفت لەناو ماڵەگەیان لە قەزای بەتحا خوەرئاوای ناسڕیە، ئەرا چارەسەرکردن بریا خەسخانە باوجی گیان لەدەسدا".
لەناسڕیە ناوەند پارێزگاگە دەزگایەیل ئەمنی توەنستن گەنجیگ 18 ساڵان قورتاربکەن لە تەقەلای خوەیکوشتن ک تواستیە لەبان بەرزی پیەڵ خوەی بخەێدە ناو چەم فورات.
وتیش" لە لێکۆڵینەوەیل چەسپیاگە گەنجەگە بار دەروینی ناجیگیرە".
