لە ماوەی 3 مانگ عراق زیاتر لە 270 ماڵ لە تورکیا سینێد
2025-04-22T10:49:10+00:00
شەفەق نیوز/ دەسەی ئامار تورکیا، ئمڕوو سێشەممە، راگەیان عراقیەیل زیاتر لە 270 ماڵ لە تورکیا سەننە لە سێ مانگ یەکەم ساڵ 2025.
دەسەگە لە راپۆرتیگ ئاژانس شەفەق نیوز دیەسێ راگەیان "عراق پلەی چوارەم دیرێد لە وڵاتەیل جیهان لە سەنین ماڵ لە تورکیا ئەوەگ سەندیەسێ رەسیە ئەرا 274 ماڵ لەماوەی سێ مانگ یەکەم ئمساڵ".
وتیش "عراق لە مانگ کانوون دویەم 103 ماڵ سەندیە و لە مانگ شوبات 99 ماڵ و لە مانگ ئازار ئەرا 72 ماڵ داوەزیایە".
دەسەگە دیاریکرد "لە چارەک یەکەم ئمساڵ رێژەی ماڵ سەنین وە بڕ 6.48٪ داوەزیایە وەلای عراقیەیلەو بەراود وە هەمان ماوە لە ساڵ گوزەشتە کە 293 ماڵ بوی".
وتیش، "رویسیەیل زیاترین بسینەیل ماڵ بوینە لە چارەک یەکەم ئمساڵ وە سەنین 779 ماڵ لە دویایان ئیرانیەیل وە 448 ماڵ و ئۆکرانیەیل وە سێیەم وە 304 ماڵ".
