لە ماوەی 2026.. عراقییەیل سەردەسەی موڵکداریکردن ماڵ و زەوی لە ئوردن بوین وە 100 ملیۆن دۆلار
شەفەق نیوز - عەممان
عراقییەیل هاتنە سەردەسەی لیست رەگەزنامەیل نا ئوردنی کە زیاترین موڵکداریکردن ماڵ و زەوی لە ئوردن داشتنە لە ماوەی نۆ مانگ یەکەم ساڵ 2026، وە نرخ گشتی 70.257 ملیۆن دینار ئوردنی (100 ملیۆن دۆلار)، لە ناو بەرزەوبوین نرخ گشتی موڵکداریکردن نا ئوردنییەیل وە بڕ 17% وە شیوەی ساڵانە.
وەپای زانیارییەیل فەرمانگەی زەوی و رویپێوی ئوردنی، عراقییەیل موڵکداری 416 ماڵ و زەوی کردنە لە ماوەی ناوەین کانوون دویەم تا ئەیلوول 2026، و نزیکەی 42% لە نرخ گشتی ماڵ و زەوییەیل کە نا ئوردنییەیل موڵکدارییان کردنە لە شانشینەگە گردنەسە دەس.
لە ماوەی مانگ ئەیلول تەنیا، عراقییەیل موڵکداری 43 ماڵ و زەوی کردنە وە نرخ 7.179 ملیۆن دینار ئوردنی (10.13 ملیۆن دۆلار)، ئەرا ئەوەگ وەردەوام بوون لە سەردەسەی لیست وەبەرهێنەرەیل بیانی لە بازار ماڵ و زەوی ئوردنی.
شمارەی گشتی ماڵ و زەوییەیل کە نا ئوردنییەیل موڵکدارییان کردن لە ئوردن لە ماوەی نۆ مانگ یەکەم ئمساڵ رەسیە 1,736 ماڵ و زەوی، کە داوەزیان وە بڕ 1% توومار کردولە بەراورد وەگەرد هەمان ماوە لە ساڵ گوزەشتە، لە وەختیگ نرخ گشتی ئەی ماڵ و زەوییەیلە وە بڕ 17% بەرزەو بوی ئەرا رەسین وە 168.311 ملیۆن دینار ئوردنی.
زانیارییەیلە دیاریکەن ئەرا وەردەوامی ئامادەبوین عراقییەیل لە بازار ماڵ و زەوی ئوردنی، لە ری موڵکداریکردن یەکەیل نیشتەجیبوین يا ماڵ و زەوی ترەک، لە وەختیگ شانشینەگە بسینەیل لە رەگەزنامەیل جوراوجویر عەرەبی و بیانی وەلای خوەی کیشێد.
