لە ئمڕووەو دەسوەپی کەێد.. ناجیگیری کەش و واران وەخوەی دوینێد عراق

شەفەق نیوز - بەغداد

بەش  کەشوهەوا لە دەسەی کەشوهەوا و زەویلەرزەناسی ، ئمڕوو سێشەممە، راگەسان مەزەنەی مۆدێلەیل کەشوهەوا دیاریکەن ئەرا  کاریگەری وڵاتەگە وە دۆخەیل ناجیگیری کەشوهەوا لە ماوەی  چارەک سێیەم کۆتایی مانگ تشرین یەکەم (ئۆکتۆبەر) ئیسە، لە ئەنجام وەدویاچگن سیستەمەیل کەشوهەوای پایزی و جیاوازی بارستەیل هەوایی کاریگەر لە ناوچەگە.

بەشەگە لە نووترین راپۆرت خوەی راگەیان  دۆخ یەکەم لە رووژ سێشەممە  20-10 دەس وەپێکەێد و ئەرا چەندین رووژ وەردەوام بوود، و جیاوازە وە دەرفەتەیل وارین واران  سووک، و گا وەختیگ ناوڕاس، لە شوونەیل جیاواز شارەیل وڵاتەگە و لە ماوەیل پچڕپچڕ، وەرد ئەگەر رویدان بەڵاچە، بیجگە لە گورجەوبوین وا وەرەو خوار لە ئەورەیل بەڵاچەیی  ناوچەیل، کە هاتێ بوودە مدوو دروسکردن تەپوتوز ناوخوەیی..

وەپای راپۆرت کەشوهەوا، دەرفەتەیل وارین  واران لە ماوەی دوو رووژ چوارشەممە و پەنجشەممە وەردەوام بوود، وە جیاوازی لە دەرفەتەیل وارین و بڕەگەی لە شوون و وەختەیل، وەپای وەرەونواچگین ئەورەسل و ڕێڕەوەیان.

هەمیش، مەزەنەی رویدان ئاڵشتبوین لە ئاراستەیل وا لەبان زەوی و جیاوازی لە پلەی گەرمی کریەێد،  هاووخت وەرد جیاوازی داپوشین ئەورەیل و جیاوازی کاریگەری بارستەیل هەوایی، وەپای راپۆرتەگە.