لەپشت مرافەیگ لە هەولێر.. بڵاوبوین ئەمنی لە شاریگ خوەرئاوای مووسڵ
2022-08-03T14:30:30+00:00
شەفەق نیوز/ سەرچەوەیگ ئەمنی لە نەینەوا، ئمڕوو چوارشەممە، خەوەردا ک یەکیگ لە قەزایل پارێزگاگە بڵاوبوین ئەمنی وەخوەی دوینێد، لەپشت مرافەی ناوبەین دوو ئیڵ بویە هووکار کەفتن دوو قوربانی.
سەرچەوەگە ئەرا ئاژانس شەفەق نیوز وت: مرافەیگ کەفتە ناوبەین ناوبەین دوو لایەن لە دوو ئیڵ لە هەولێر پایتەخت هەرێم کوردستان، و رەسیە وەکارهاوردن چەک، ک بویە هووکار کەفتن دوو قوربانی.
و دیاری کرد ک دوو ئیڵەگە لە قەزای بەعاج خوەرئاوای شار مووسڵ نیشتەجی بویکە، و لەپشت ئەوە هیزە ئەمنیەیلە بڵاو بوین تا مرافەگە لە قەزای بەعاج دووارە نەکریەێد.
