لەسێدارەدان زیندانیگ وە توومەت ئەنجمداین تەقینەوەیگ لەبان زیارەتکەرەیل شیعە لە باکوور بەغدا
2023-09-14T08:43:59+00:00
شەفەق نیوز/ دادگای تاوانەیل ناوەندی لە سەرۆکایەتی تێکهەڵچوینەیل بەغداد رەسافە، ئمڕوو پەنجشەممە، سزای لە سێدارەداین ئەرا زیندانیگ دەرکرد کە دەسەیگ تەقانیە مەوقەی زیارەتکردن ئیمامەیل عەسکەری لە ساڵ 2022.
ناوەن راگەیانن ئەنجومەن دادگای باڵا ئمڕوو لە بەیاننامەیگ راگەیان، " تەقینەوەگە شمارەیگ قوربانی و زەخمداری لەلی کەفتیە لەناوچەی تاجی باکوور بەغدا"، وتیش " لە دویای تەقینەوەگە ڤیدیۆی رویداوەگە گردیە و یەکیگە لە ئەندامەیل تیرۆرستی داعش".
وتیش " سزاگەی وەپای بڕگەیل مادەی چوار لە یاسای تیرۆر شمارە 13ی ساڵ 2005 دەرچیە".
