لە سێدارەداین تیرۆرستیگ دوو سەرباز لە سوپای عراقی کوشتیە
2023-05-03T09:41:24+00:00
شەفەق نیوز/ دادگای تاوانەیل رەسافە، سزای لە سێدارەداین دەرکرد ئەرا زیندانیيگ سەر وە رێکخریاگ داعش ک دوو سەرباز لە سوپای عراقی کوشتیە.
ناوەند راگەیانن ئەنجومەن دادگای باڵا ئمڕوو لە بەیاننامەیگ راگەیان، " تاوانباریگ تیرۆرست دوو سەرباز کوشتیە و نمایش وە تەرمەیلیان کردیە لە پارێزگای ئەنبار تەرمەگەیان کوتکوت کردیە".
وتیش، " لەماوەی ساڵ 2015 هێزەیل ئەمنی لە پارێزگای مووسڵ لەبان ( هارد و کۆمپیوتەرەیل) ناوەیل چەتەیل داعش پەیاکردن وەگەرد ئەو تاوانەیلە چەتە تیرۆرستەیل ئەنجامی دانە لە یەکیگ لە پارچە ڤیدیۆیەیل دەرچگە ئەو کەسە هەنای ئەو دوو کەسە سەربڕێد وەگەرد وینەیل فۆتۆگرافی".
لەبەیانەگە هاتیە" دادگا بەڵگەیل پێویست دەسی کەفتیە و رەسیە ئەو ئەنجامە وەگورەی مادەی چوارەم/١ وە بەڵگەی مادەی دویەم ٨/٥ لەیاسای دژە تیرۆر شمارە (١٣) ساڵ ٢٠٠٣ سزای دا.
