پۆلیس بەغداد "حسێن عەلی ئەللامی" وە توومەت خەلەتانن دەسگیر کەێد

شەفەق نیوز - بەغداد

فەرماندەیی پۆلیس بەغداد رەسافە، ئمڕوو پەنجشەممە،  دەسگیرکردن "حسێن عەلی ئەللامی"، کوڕە گەورەی خاوەن لوقونتەخانەی دیار ئەللامی، وە توومەتەیل پێوەنیدار وە خەڵەتانن و سەنین بڕیگ پویل فرە لە هاووڵاتییەیل وە ریەیل نایاسایی راگەیان.

لە بەیاننامەیگ ک رەسیە ئاژانس شەفەق نیوز وت:  کار مەچەکگیرکردن (ح.ع.) وە سەرپەرشتی راستەوخوەی وەلایەن فەرماندەی پۆلیس بەغداد رەسافە، لیوا شعلان عەلی صالح جیوەجی کریا، دویای چەودێری مەیدانی دۊز و تەقەلای خەسیگ ئەرا گردەوکردن زانیاری وەلایەن مەفرەزەی مەدەنی سەر وە فەرماندەیی، ک بویە مدوو دیاریکردن شوین  توومەتبارەگە کە خوەی شاردبوی، و دەسوەجی خریارە زیندان ئەرا گردنەوەر رێکارەیل یاسایی هەوەجەکریاگ.

ئی دەسگیرکردنە دویای شەپوولیگ ناڕەزایەتی  هات کە دەیان لە زەرەدیەیل و بازرگانەیل ە نواێ لوقونتەخانەی "عەلی اللامی" لە ناوچەی جادریە لە بەغداد ری بەسان،  داوای گلەوداین پویلەیلیان وە میلیارەها دینار کردن.

خێزان خاوەن لوقنتەخانەگە وەرجە ئیە بیبەریبوین خوەیان وە شێوەیگ فەرمی و یاسایی لە کردەوەیل کوڕە گەورەیان لە سال 2018ەو راگەیانن، وە دپاتکردن لەبان هوشیارکردنەوەی  هاووڵاتییەیل لە ماوەی گوزشتە لە مامەڵەی دارایی وەگەردی.