لە دوویەم رووداو هاوشیوە.. ئەمن عراقی ژن وپیاویگ دەسگیر کەێد کوڕ خوەیان فرووشتنە
شەفەق نیوز/ ئاژانس هەواڵگری لە وەزارت ناوخۆ، ئمڕوو شەممە، راگەیان دەسگیرکردن ژن و پیاویگ لە بەغداد کوڕ خوەیان وەرانوەر دە مەلیۆن دینار فرووشتنە.
ئازانسەگە لە بەیاننامەیگ رەسیە ئاژانس شەفەق نیوز وت: زانیاریەیلیگ هەواڵگری وە بازرگانیکردن وە ئایەم رەسین لە فرووشتن مناڵیگ لەلایەن خاوەنەیلی لە بەغداد پایتەخت.
ودیاریکرد ک وەکوتپڕ تیمیگ هونەری لە مەفرەزەیل ئاژانس هەواڵگری لە وەڕێۆبەرایەتی هەواڵگری تاوان رێکخریاگ دروس کریا، و دویای خەسەوکردن تەقەلای هەواڵگری، دوو توومەتبارەگە لە ناوچەی کەڕادە لە بەغداد هەنای کوڕە پەنج ساڵانەگەیان وە بایی دە مەلیۆن دینار فرووشتیان دەسگیر کریان.
ئاژانسەگە ئاماژە کرد ک دوو توومەتبارەگە بەندین کریان تا رێکارە یاساییەگان وەدژیان بووریەن.
وەرجەیە، ئاژانس ھەواڵگری سەروە وەزارت ناوخۆ، لە ٣٠ کانون یەکەم ٢٠٢٠، راگەیان دەسگیرکردن ژن وپیاویگ وەگورەی فەرمانەیل بازرگانیکردن وە ئایەم و فرووشتن هووشبەرەگان لە پارێزگای کەربەلا.
