لەدویای وازکردنی وە شیوەی وەختانە...دیالە ری ستراتیجیگ بەسێد ک وە کوردستان بەسێدەی
شەفەق نیوز/ سەرچەوەیگ وەرپرس لە پارێزگای دیالە، ئمڕوو جومعە، خەوەردا لە بەسین ری دەریاچەی حەمرین باکوور خوەرهەڵات پارێزگاگە، ک وە هەرێم کوردستان بەسێدەی ئەرا تەواوکردن کارەیل کۆتایی.
سەرچەوەگە وە ئاژانس شەفەق نیوز وت، لە ماوەی رووژەیل جەژن ری دەریاچەی حەمرین وەشیوەیگ وەختانە وازکریاوێد ئەرا ئاسانکردن هامشو هاوڵاتیەیل دوارە بەسیا ئەرا تەواوکردن کارەیلی وەپای ئەوەگ 78% تەواو بویە.
هانی غازی وەریەوبەر ریوبان و پیەڵ ئەرا ئاژانس شەفەق نیوز دووپاتکرد، ری دەریاچەی حەمرین وەشیوەی وەختانە ئەرا ئاسانکردن هاتوچو هاوڵاتیەیل وازکریاێود لەماوەی رووژەیل جەژن تا ئیسە وەتەوای تەواو بویە وتیش ئەو قۆناغەیلتر کارکردنەگە لە ئایندە تەواو بوود.
دیالە لە چەن مانگ گوزەشتە راگەیان دەسکردیە وە کارەیل خاسەوکردن ری دەریاچەی حەمرین وەگەرد هاوپیچەیل ئەندازیاریتر وە بڕ زیاتر 3 ملیار دینار زیاتر و وە درویژی زیاتر ل 10 کم.
