لەدویای دەرنەچگن.. دویەتە خوەنەواریگ وەخوەی لەبان بینیا مەکتەویگ وەخوارخەێد لە دیالە

شەفەق نیوز ـ دیالە

سەرچەوەیگ ناوخوەیی، ئمڕوو سێشەممە، خەوەر دا لە زەخمداربوین دویەتە خوەنەواریگ  پۆل چوارەم زانستی، لەدویای ئەوەگ خوەی لە بان بینای مەکتەویگ  لە ناوچەی مەنسووریە شەت لە ناحیەی هبهب، لە باشوور خوەڕئاواى دیالى وە خوارخست.

​سەرچەوەگە ئەرا ئاژانس شەفەق نیوز وت:  رویداوەگە نیمەڕوی ئمڕوو رویدایە، لەدویای ئەوەگ خوەنەوارەگە ئەنجام ئەزموون خول دویەمی وەرگرد، کە دەرنەچگە.

وتیش؛  خوەنەوارەگە زەخمداری و شکیان وەپی هاتیە، و ئەرا  وەرگرتن چارەسەر کلکریارە خەستەخانە.