لە دیالە و زیقار...مردن دوو کەس وە رویداو هاتوچو و دزین ماشینیگ
شەفەق نیوز/ سەرچەوەیل ئەمنی لە دیالە و زیقار، رووژ دووشەممە، خەوەردان لە مردن دوو مەدەنی وە دوو رویداو هاتوچو جیا، هەمیش دەسگیرکردن چوارکەس ماشین تەکسییگ دزینە.
سەرچەوەیگ لە دیالە وت، مەدەنیگ وە رویداو لەیەکدان دوو ماشین گیان لە دەسدایە لە ری ناحیەی سەلام- بەعقوبە، وەهووکار رەدبوین هەڵە لە ریەگە.
دیاریکرد" لایەنەیل تەندروسی و هاتوچو رێکارەیل پێویست رویداوەگە وەرگردنە".
لەلایگیش سەرچەوەیگ ئەمنی لە زیقار وە ئاژانس شەفەق نیوز خەوەردا لە توومارکردن شمارەیگ رویداو ئەمنی لە پارێزگاگە لەماوەی چەن ساعەت گوزەشتە.
سەرچەوەگە وت: رویداویگ لەیەکدان لەبان ری خێرا نزیک ناوچەی تل لەحم رویدایە لە ناوبەین ماشینیگ لە جویر (پیک ئاپ) و ماشینیگ لە جویر ( ئەلبی قەلاب) رویدایە، دەسوەجی بویەسە هووکار گیان لە دەسدان رانندەی پیکئاپەگە".
دیاریکرد،" هێزەیل ئەمنی توەنستنە چوار کەس دەسگیربکەن لەناو ئاهەنگ سویریگ تەقەکردنە لە قەزای جەباریش لە باشوور شارەگە ناوەند شار ناسریە".
سەرچەوەگە وتیش" کەسەیلیگ نەناسریاگ ماشینیگ وە کرا گردنە وەرەو قەزای ئسلاح لە خوەرهەڵات شار ناسریە بوەیدەیان، لە نیمەی ری ماشین لە رانندەگە دزینە دویای ئەوەگ چەک گردنەس وە ئاراستەی و دانەس لەلی".
